diebus Jovis ab hora tertia pomeridiana ad quintam habentor. Dis quotannis feriae sex hebdomadum sunto, vernales et autumnales. Primus post utrasque ferias conventus publicus atque solemnis esto. In vernali, sociorum defunctorum elogia leguntor. In autumnali praemium numismatis aurei 50 ducatorum meliori, quae aliunde ad propositam quaestionem academicam missa fuerit, commentationi rite examinatae tribuitor, novumque alternis classium vicibus problema in annum sequentem publicator.
Certantes de praemio ante Calendas Quinctilias. Opuscula sua secretario reddi curanto. Nomen suum in schedula obsignata adjiciunto. Si nullus palmam meruisse videbitur, praemium in sequentem annum servator. Academici iudices praemii, non participes sunto.
Proximo inde conventu privato acceptorum, et expensorum rationes annuas quaestor reddito.
Datum Manhemii die 15 mensis Octobris