gestarum, atque naturalium, Palatinatus praecipue, Domusque in eo regnantis, historia artibusque eo spectantibus sollicita. In omnibus veritas suprema lex esto.
Academici universi doctrina, studiis, moribus suis commendabiles, et a partium studio alieni sunto. Quae privatim tractantur ne propalanto. In duas illi classes, Historicam, et Physicam divisi sunto. Altera alteram in rebus ad alterutram solam spectantibus ne turbato.
Legum, ac dignitatis custodes praeses atque director, dein secretarius actorum perpetuus, et quaestor aerarii sunto. Segretario vicarius adiungitor. Praeter hos numerus academicorum ne denarium excedito.
Novi socii electio penes Academiam, confirmatio penes principem esto. Non alius, nisi secularis, vel ecclesiastico secularis eligitor.
Praeses, et director a laboribus consuetis immunes, reliqui academici in legundis audiundisque commentationibus assidui sunto.
Quidquid scripserint, egerintur placido sociorum examini, et judicio repetita lectione subjiciunto. Digna